Participes Septimanae Californianae MMXII, cuius sedes erit pulcher campus scholaris Vniversitatis Loyola Marymount, die nocteque Latine loquentes de variis argumentis iucundis disceptabunt, locos e litteris Latinis excerptos legent, artem Latine scribendi exercebunt, de compluribus rebus acroases habitas auscultabunt, in excursionibus didascalicis peritiam loquendi excolentes regionis Angelopolitanae visu digna multa invisent: velut Aquifolia (artis cinematographicae notissimum caput), Obervatorium Hortorum Griffith, Molem Maritimam Monicopolitanam, Actam Venetam, Museum Artium Comitatus Angelopolitani, Villam illam Gettianam.
De Conventus Diebus: 2–9 dies mensis Iulii, 2012
Adventus: Lunae die, secundo mensis Iulii, 3:00–6:00 p.m.
Discessus: Lunae die, nono mensis Iulii, 1:00–3:00 p.m.
De Conventus Loco: Sessiones scholares in campo illius academiae Loyola Marymount University celebrabimus. In alumnorum xenodochio pernoctare volentes in cubiculis duplicibus (sc. binis inquilinis aptis) hospitium habebunt. “LMU” haud procul distat ab Aeriportu Angelopolitano Omnium Gentium (cuius sigla “LAX”) necnon a Pacifici Oceani litore, Monicopoli, Acta Veneta compluribusque regionis Angelopolitanae amoenitatibus.
Quibus Participare Licet?: Qui saltem tralaticio more Latine legere didicerunt peritiam autem nunc loquendi et scribendi ampliare velint ad Septimanam Californianam invitantur. Cum hic non tradantur ipsa rudimenta linguae, vetitur sermonis Latini prorsus ignaris introitus. Plerique participes minimum biennium apud universitatem aut quadriennium in schola superiore (sive secundaria) linguae nostrae studuerunt. Qui nondum Latine locuti sunt in hunc conventum gratissime accipiuntur.
De Pretio: Minerval una cum hospitio 875 thaleris Americanis constat, sine hospitio $625. Discipulus quisque $650 solvet, $475 sine
hospitio. Has summas impendentes omnes praeter duos cibos accipient necnon et sine addito pretio excursiones participabunt; participi autem
cuique curandum erit ut ad LMU vehatur indidemque domum redeat.
Quisque, postquam in Septimanam Californianam acceptus erit, conventus pretium solvere poterit aut per PayPal (infra) aut syngrapham argentariam
nomini “SALVI” conscriptam mittens ad:
1252 11th Street, #107
Santa Monica, CA 90401
Stephen Berard, doctoralem gradum apud Universitatem Massaciusettanam Amherstianam, magistralem apud Univ. Cal. Bercleianam, baccalaureum apud Univ. Cal. Angelopolitanam adeptus, professoris munere iam diu fungitur apud Wenatchee Valley College (Collegium Vallis Aqualbensis), ubi linguas Theodiscam, Latinam, Hispanicam docet. Inde ab anno MIIM, quo Latinitatis “vivae” sive “perennis” studio primum inflammatus est, Professor Berard complura conventicula Latina in civitate Vasintoniensi duxit. Anno MMXI divulgavit fabulam Menippeam Capti titulo inscriptam, primam ex serie septem mythistoriarum phantasticarum futura.
Nomen Infra Da
SALVI
1252 11th Street, #107
Santa Monica, CA 90401
